Mu gihe cy’umugoroba imvura irimo kugwa, ngo umugore n’umugabo bari bavuye mu isoko, igihe bageze mu rugo, imvura yaraguye nyinshi, inkuba ihita ikubita muri uru rugo, umugore ahita yitaba Imana abana batatu na se barahungabana, kugeza ubu nabo bakaba bakiri mu bitaro bya Ruhango byubatse muri uyu murenge wa Kinazi.

Kigali Today, ivugana n’Umunyabanga Nshingwabikorwa w’Umurenge wa Kinazi Mutabazi Patrick, mu gitondo cya tariki ya 23/11/2015, yavuze ko abahungabanye bose bakiri mu bitaro, gusa kugeza ubu ubuzima bwabo bukaba butakimeze nabi ugereranyije na mbere.

Ibi bibaye nyuma y’igihe gito, ubuyobozi bw’Akarere ka Ruhango, buhamagariye abaturage kwirinda Ibiza nk’ibi mu bihe by’imvura, harimo gushaka imirindankuba, kwirinda ibyatuma inkuba zikubita birimo kutitaba telefone imvura igwa, kuzimya radiyo, n’ibindi byuma bikunze gucomekwa ku mashanyarazi.

Eric Muvara