Uwitwa Minani Felix w’imyaka 23 y’amavuko na Nyandwi Jean Paul w’imyaka 27 y’amavuko, ubu barwariye ku Kigo Nderabuzma cya Byimana, kubera iyo mirwano ikaba yatangiye mu gihe cya saa yine z’ijoro tariki ya 23 Kanama 2015.

Abarwanye na bo, batatu muri bo bakaba batawe muri yombi n’inzego z’umutekano, abandi babiri baracika bakaba bagishakishwa.

Abaturage batuye mu Mudugudu wa Gasasa mu Kagari ka Nyakabuye, mu Murenge wa Byimana, bavuga ko mbere y’uko aba bantu barwana, bari babanje gusangira inzoga nyuma uruhande rumwe rushaka kuyaka abandi.

Amakimbirane yatangiye atyo kugeza ubwo bamwe bari mu itsinda ry’abantu batanu bahise bazana imihoro batangiza imirwano kugeza ubwo batemaguye aba babiri ku maboko no mu mutwe, bagahita bajyanwa ku kigo nderabuzima.

Umuvugizi wa Police mu Ntara y’Amajyepfo CSpt Hubert Gashagaza, avuga ko byatewe n’abantu banywa inzoga z’inkorano, agasaba abaturage kunywera mu rugero, bitandukanya n’ibyabateza urugo rushobora kubaganisha ku rupfu.

Kuba yanasabye abantu batanywa inzoga, kujya baba maso igihe batangiye kubona abantu basinze barengeje urugero ko bajya bahita batanga amakuru mbere.

Eric Muvara