KT TV
Rubavu: Inyubako ikorerwamo n’ivuriro ‘La Croix du Sud’ yangijwe n’umutingito
Imitingito irimo kwiyongera mu Karere ka Rubavu ikomeje guhangayikisha abaturage barimo kwangirizwa ibyabo, uwo ku manywa kuri uyu wa Gatatu tariki 26 Gicurasi 2021 ukaba wangije inyubako ikorerwamo n’ivuriro rizwi nka La Croix du Sud riri mu mujyi wa Gisenyi.
Abaturage babibonye biba bavuga ko batunguwe no kubona inzu bari bazi ko ikomeye umutingito uba igahita yangirika.
Iyo nzu yangiritse isanzwe ikorerwamo n’ivuriro rya la Croix du Sud "kwa Nyirinkwaya" hamwe n’iguriro. Ababibonye bavuga ko nta muntu wayikomerekeyemo ariko bigaragara ko kongera kuyijyamo bihangayikishije.
Minisitiri Kayisire Marie Solange uyobora Minisiteri ishinzwe ubutabazi hamwe n’itsinda rinini rihuriweho n’impugucye mu buzima, ubumwe bw’ibirunga n’amabuye y’agaciro, ibidukikije, barimo barabera icyakorwa kugira ngo abaturage bugarijwe n’ibibazo bikomoka kuri iyo mitingito bafashwe.
Mu ishuri rya ESSA Gisenyi yasuye abanyeshuri baryigamo bahungabanyijwe n’imitingito yaciye inzira ya rift valley mu kigo cyabo, yabasezeranyije ko harimo kwigwa aho bajyanwa bakiga bashyize umutima hamwe, ariko abasaba gukomeza kwambara agapfukamunwa neza kuko karimo kurinda imyuka yarekuwe n’ikirunga, ariko bagakomeza no kwirinda icyorezo cya Covid-19.
Minisitiri Kayisire yasuye inyubako z’ibitaro bya Gisenyi zashegeshwe n’imitingito, ndetse akomeza urugendo mu nkambi y’impunzi z’abanyecongo 654 bahungiye mu Rwanda imitingito n’ingaruka zayo bikomeje kwiyongera.
Ubuyobozi bw’Akarere ka Rubavu ntiburatangaza ibimaze kwangizwa n’imitingito yatangiye kumvikana mu Karere ka Rubavu ku va ku itariki 22 Gicurasi 2021.
Inkuru zijyanye na: Nyiragongo
- Rubavu: Abagizweho ingaruka n’iruka rya Nyiragongo babayeho bate?
- Goma: Ubuyobozi bwasabye abahunze iruka rya Nyiragongo gusubira mu ngo
- Rubavu: Imiryango 2,504 yangirijwe n’imitingito imaze guhabwa ubutabazi
- Rubavu: Ibitaro bya Gisenyi byongeye gutanga serivisi
- Amashyuza yari yaragiye kubera imitingito yagarutse
- Mu Rwanda hasigaye Abanyekongo babarirwa mu 1000 bahunze Nyiragongo
- Ikiyaga cya Kivu nticyahungabanyijwe n’iruka rya Nyiragongo
- Imiryango yasenyewe n’imitingito irasaba gufashwa kubona ahandi ho kuba
- Rubavu: Ubuyobozi burahamagarira abantu gusubukura ibikorwa byabo
- Rubavu: Amashyuza yaburiwe irengero kubera umutingito
- Impunzi z’Abanyekongo zikomeje gusubira iwabo
- Rubavu: Ibyangijwe n’imitingito byatangiye gusanwa
- Ubuyobozi burahumuriza abumvaga ko ikirere n’amazi bya Rubavu byagize ikibazo
- Kuruka kw’ibirunga n’imitingito bizagira uruhare mu gutandukanya Congo n’u Rwanda – Impuguke
- Rubavu: Inzu zisaga 1,500 zimaze kwangizwa n’imitingito
- Ibyuka bituruka muri Nyiragongo bigira ingaruka ku buzima - Impuguke
- Mu Kivu hagaragaye isambaza zapfuye nyuma y’umutingito
- Igihiriri cy’Abanyekongo bahungiye mu Rwanda
- Hari impungenge z’uko Nyiragongo yakongera kuruka
- Abatuye muri metero 200 uvuye ku murongo waciwe n’imitingito bafite inzu ziyashije bagomba kuhava - Minisitiri Kayisire
Ibitekerezo ( 1 )
Ohereza igitekerezo
|
|
Ibi byose biriyongera kuli Covid 19.Bisanga ubukene kuli benshi.Bihuje n’ubuhanuzi bwa bible ivuga ko mu minsi y’imperuka hazabaho ibihe biruhije.Ni igitabo cyahumetswe n’Imana,gitandukanye n’ibindi bitabo byiyita ko byaturutse ku mana.Ni iki kitwemeza ko bible yaturutse ku mana koko?Ni ubuhanuzi bwayo bwinshi cyane bwagiye busohora.Urugero,mu mwaka wa 33,Yezu yavuze ko Abaroma bazaza bagasenya umujyi wa Yeruzalemu.Niko byagenze mu mwaka wa 70.Urundi rugero,Daniel yahanuye ko Alexander the Great azategeka Uburasirazuba bwo hagati.Niko byagenze.Byerekana ko nta kabuza n’ubundi buhanuzi busigaye buzaba.Urugero ni imperuka dutegereje,isi izaba paradizo,irimburwa ry’abantu bose bakora ibyo Imana itubuza rizaba kuli uwo munsi,umuzuko wo ku munsi wa nyuma,etc…