Abo iyo mvura yangirije ibintu ni abaturage baturiye umugezi wa Sebeya. Abaturage bavuga ko uwo mugezi wuzura amazi akagera mu ngo bigatuma ibintu byabo byangirika ibindi bitwarwa n’amazi ku buryo n’amazu yasigaye ahagaze nayo ashobora gusenyuka.

Centre ya Mahoko agace kegereye umugezi wa Sebeya niko kahuye n’ibazo, aya mazi y’iyo mvura yaguye saa cyenda z’amanywa yanateye mu murenge wa Nyundo ahubatse amashuri.

Si ubwa mbere umugezi wa Sebeya wangirije abahatuye ku buryo hari hafashwe ingamba zo kwimura abawutiriye ndetse ugaterwaho ibiti n’imbingo.

Mu gihe hatararangiza kubarurwa ibyangijwe, abakozi ba minisiteri yo kurwanya ibiza bari gufatanya n’ubuyobozi bw’akarere kugira harebwe icyakorwa mu gufasha abangirijwe n’umugezi wa Sebeya.

Minisitiri w’umutungo kamere, Stanislas Kamanzi yamaze kugera ahabereye ibiza kugira ngo barebe ingamba zafatwa mu gukumira ibiza biterwa na Sebeya ariko bikaba bitaragerwaho.

Kimwe mu gitungwa akatoki ni ikibazo cy’isuri ikiboneka ku misozi, uretse n’amazi yiyongera ubwinshi agatera abaturage.

Ibi byiyongera ku mazu y’amatafari y’ibitaka atuma inzu ihita ijya hasi kandi hacyenewe kongera imbingo ku mugezi wa Sebeya hamwe no kwimura abatuye ku nkengero z’uwo mugezi.

Sylidio Sebuharara