KT TV
Perezida Kagame yasuye ikirombe gicukurwamo ‘Wolfram’ cya Nyakabingo
Perezida Paul Kagame kuri uyu wa Gatanu yasuye ikirombe cya Nyakabingo, giherereye mu Karere ka Rulindo mu Murenge wa Shyorongi, kikaba ari cyo cya mbere muri Afurika gicukurwamo amabuye menshi azwi nka ‘Wolfram’.
Iki kirombe gicukurwamo na Sosiyete y’Ubucukuzi bw’Amabuye y’Agaciro ya Trinity Metals Group, gikoresha abakozi barenga 1,800 ndetse umusaruro iyi sosiyete ibona wikubye kabiri mu myaka itatu ishize.
Iyi sosiyete ya Trinity Metals iherutse kwinjira mu bufatanye bugamije kugeza Gasegereti y’u Rwanda ku isoko ryo muri Leta Zunze Ubumwe za Amerika.
Ni amasezerano y’ibanze y’imikoranire hagati ya Trinity Metals n’ikigo Nathan Trotter, gisanzwe kimenyerewe mu bucuruzi bwa Gasegereti muri Amerika, yashyizweho umukono ku wa 13 Gicurasi 2025.
Ni umuhango wabereye muri Minisiteri y’Ububanyi n’Amahanga ya Amerika, ndetse witabirwa na Kim Harrington, uri mu bayobozi bakuru b’ibiro bishinzwe umutungo kamere mu by’ingufu.
VIDEO - Perezida Paul Kagame yatambagijwe ikirombe cya Nyakabingo giherereye mu Karere ka Rulindo mu Murenge wa Shyorongi, kikaba icya mbere muri Afurika gicukurwamo amabuye menshi azwi nka ‘Wolfram’ gicukurwa na kompanyi yitwa Trinity Metals Group. pic.twitter.com/Yw9NZUehMt
— Kigali Today (@kigalitoday) May 23, 2025
Ibitekerezo
Ohereza igitekerezo
|
|
