Perezida Kagame yakiriwe n’Umwami wa Jordanie
Perezida Paul Kagame kuri uyu wa Gatatu tariki 23 Werurwe 2022, yageze mu Mujyi wa Aqaba aho yakiriwe n’Umwami wa Jordanie, Abdullah II, ni mbere y’inama yiga kuri Afurika y’Iburasirazuba, iteganyijwe kuri uyu wa Kane.
Urubuga rwa Twitter rw’ibiro by’Umukuru w’Igihugu, rwatangaje ko ibiganiro by’abayobozi bombi byibanze ku gukomeza guteza imbere ubufatanye busanzwe hagati y’u Rwanda na Jordanie.
Igikomangomakazi cya Jordanie, Sumaya bint El Hassan, asanzwe ari mu bagize Inama y’ubutegetsi mu kigo cy’u Rwanda gishinzwe ingufu za Atomike (RAEB), nk’uko byemejwe n’inama y’Abaminisitiri yateranye tariki 13 Ukwakira 2021, iyobowe na Perezida wa Repubulika Paul Kagame.
Ibitekerezo
Ohereza igitekerezo
|