Muzehe Mpyisi witabye Imana yari umwe mu Banyarwanda babitse amateka ahambaye yo hambere ku Ngoma z’Abami cyane ko yabanye cyane n’umuryango w’Umwami Rudahigwa ndetse akaba yaranabaye n’Umujyanama wa Kigeli V Ndahindurwa watanze mu mpera za 2016.

Pastor Ezra Mpyisi yavutse tariki 19 Gashyantare 1922, avukira i Nyanza mu Majyepfo ku Ngoma y’Umwami Yuhi 5 Musinga. Ubuzima bwe bwose yabumaze ari umubwirizabutumwa mu Itorero ry’Abadiventisti b’Umunsi wa Karindwi ari na byo byamuhesheje kuba mu Nama Nkuru y’Igihugu yagiraga inama Umwami Mutara III Rudahigwa.

Rudahigwa amaze gutanga, Mpyisi yakomeje kugira inama Umwami Kigeli V Ndahindurwa wamusimbuye kugeza mu 1960, ubwo yahezwaga ishyanga n’Ababiligi, ku busabe bw’Ishyaka Parmehutu.

Mpyisi yaje kujya hanze nk’impunzi, agaruka mu Rwanda mu 1997. Ari mu bashinze Kaminuza y’Abadiventisiti b’Umunsi wa Karindwi ya UNILAK, ndetse yanatangije Ishuri rya Bibiliya i Nyamirambo.

Pasiteri Mpyisi ni umwe mu bari bakunze kugarukwaho cyane kubera imvugo ze zitangaza benshi.

Reba kimwe mu biganiro yagiranye n’abanyamakuru akabaha ibisubizo bitangaje:

MENYA UMWANDITSI

Ruzindana Janvier

Umunyamakuru

@RuzindanaJunior

Reba inkuru zose nanditse ( 1244 )