Umunyamabanga Nshingwabikorwa w’umurenge wa Mukingo, Nkundiye Jean Pierre, yabwiye umunyamakuru wa Kigali Today ko icyo gikorwa cyarangiye mu masaha y’umugoroba kikaba cyakorewe mu tugari tune kuri dutandatu tugize uwo murenge.

Yakomeje avuga ko ubuyobozi bwa gereza ya Nyanza ari naho abo bagororwa bari kuza baturutse buteganya gusubukura iyo gahunda mu cyumweru gitaha bitewe n’uko abenshi mu bahemukiwe aricyo gihe bazabasha kubonekera.

Muri iki gikorwa cyabereye mu kagali ka Kiruli hari abagororwa byagaragaraga ko basaba imbabazi mu buryo bwo kwiyererutsa no kurangiza uwo muhango bityo bituma abazisabwaga zitabanyura; nk’uko Jean Pierre Nkundiye umunyamabanga Nshingwabikorwa w’umurenge wa Mukingo abihamya.

Iki gikorwa ubwo kizaba cyongeye gusubukurwa mu murenge wa Mukingo ari naho cyahereye ku rwego rw’akarere ka Nyanza tubasezeranyije kuzakibakurikiranira neza.

Jean Pierre Twizeyeyezu