Nshimiyimana Samuel, umukozi wa NISR wayoboye umuhango wo gutanga izo mudasobwa 18 yibukije abitabiriye uwo muhango ko igenamigambi rinoze rigomba gushingira ku mibare mizima.

Yakomeje ashimangira ko iyo igenamigambi rishingiye ku mibare ipfuye, nta majyambere abaturage bashobora kugerwaho nk’uko byifuzwa.

Aha, umukozi wa NISR yanaboneyeho umwanya wo gushishikariza abayobozi bakora mu mirenge kunoza imibare batanga mu buyobozi kuko ari yo shingiro ry’iterambere.

Buradiyo Theogene, umuyobozi ushinzwe ubutegetsi mu karere wari uhagarariye ubuyobozi bw’akarere yabijeje ko imirenge izakomeza kunoza imibare mu rwego rwo kunoza igenamigambi rirambye.

Usibye no gushyingura imibare, izo mashini zizanabafasha mu kazi kabo ka buri munsi dore ko imirenge idafite mudasobwa zihagije ku bakozi barenga batanu bakorera buri murenge.

Izi mudasobwa 18 zatanzwe n’ikigo cy’igihugu gishinzwe ibarurishamibare ku bufatanye n’ikigo cy’u Bubiligi gishinzwe kongerera ubumenyi muri tekiniki (Belgium Technical Cooperation).

Nshimiyimana Leonard