Ibi babikoze mu rwego rwo gushimira ubutwari n’ubwitange bwaranze ingabo zahoze ari iza APR Inkotanyi zagize mu kubohora igihugu, nk’uko aba bagore babitangaje.

Iki cyemezo abagize Inama y’igihugu y’abagore mu karere ka Ngororero bagishyize ku mugaragaro mu ntangiriro z’ukwezi kwa 8/2014, nka kimwe mu bikorwa bikomeye batangiye gukora kandi ngo biyemeje kuzabigeraho.

Clotilde Nyiraneza, umuyobozi wungirije ushinzwe imibereho myiza y’abaturage mu karere yavuze ko hari uburyo bwinshi bateguye buzabafasha kugera kuri icyo gikorwa, kizatuma bamwe mu bamugariye ku rugamba bakomeza kwishimira ibyo bakoreye igihugu.

Bumwe muri ubwo buryo aba bagore bazakusanyamo aya mafaranga ni ugukora imipira iriho ubutumwa bushimira ingabo z’igihugu. Iyo mipira ubu yamaze kugera ku isoko igurwa amafaranga ari hagati y’ibihumbi bitanu n’ibihumbi 10 ku mupira umwe.

Ubwo aheruka mu karere ka Ngororero, Guverineri w’Intara ’Iburengerazuba Caritas Mukandasira, yahamagariye abaturage cyane cyane abagore gukora ibikorwa byiza bigamije gushimira abayobozi b’Igihugu n’abakirwaniye bose.

Ernest kalinganire