Itorero ry’igihugu mu nzego z’imirimo ni ikintu gikomeye kandi kizahindura byinshi mu mikorere y’izi nzego kuko Intore iharanira kugira indangagaciro y’Umunyarwanda; nk’uko byasobanuwe n’umuyobozi w’itorero ku rwego rw’igihugu.

Yagize ati “Ni mwirinda kirazira mugakurikiza indangagaciro iranga Umunyarwanda n’intore byumwihariko, muzaba abayobozi beza abaturage bibonamo maze uwo muco mwiza muwukwize mubo muyobora.”

Zimwe mu ndangagaciro ndetse n’umuco intore yagakwiye kugira, harimo kugira umuco wo kwakira neza abakugana, umuco wo kwihesha agaciro, umuco w’ubumwe n’ubwiyunge ndetse ngo kuba Inkore nziza bandebereho n’ibindi.

Umuyobozi w’intara y’Iburasirazuba, Uwamariya Odette, mu ijambo rye yavuze ko biteze umusaruro mwinshi kuri iri torero rigizwe n’abayoboziba Leta , abayobozi b’ibigo bya Leta abikorera ndetse n’amadini.

Yagize ati “Nimudatatira ku muhigo w’indangagaciro zikwiriye kuranga intore byumwihariko uwaciye mu itorero muzavamo abayobozi beza kandi hari byinzhi bizahinduka.”
Umunyamabanga wa Leta muri minisiteri y’ubuzima , Dr Anita Asiimwe, wari witabiriye ibi birori yasabye abayobozi batangiye itorero gushyiramo ingufu kugirango umuco mwiza w’abanyarwanda usakare hose.

Buri rwego rw’umurimo ruzajya ruhura rimwe mu cyumweru buri wa gatanu mu gihe cy’isaha imwe n’igice (mbere ya sport) maze baganire ku ndangagaciro n’uburyo zakoreshwa mu mirimo bashinzwe.

Itorero ry’igihugu ryatangijwe ku mugaragaro na Perezida wa Republika mu mwaka wa 2007, nyuma hagenda hahugurwa ibyiciro bitandukanye by’intore birimo abarimu, abaganga , abanyamabanga nshingwabikorwa b’imirenge n’utugali n’abandi.

Icyi cyiciro kije gikurikira ibindi byiciro bitandukanye byagiye bihugurwa. Akarere ka Ngoma kabaye aka mbere gatangije icyi cyiciro ku rwego rw’intara y’iburasirazuba.

Kugera ubu mu karere ka Ngoma itorero rigera ku rwego rw’umudugudu.

Jean Claude Gakwaya