Intandaro y’iri zina ubundi ryari rimenyerewe mu burezi, ni uburyo abanyeshuri birahira ikizamini cya ronc-commun gikomera, abaturage nabo basanga uburyo iyo nzara ibakomereye nayo bayitirira icyo kizamini.

Bemeza ko gutsinda iyo nzara nabyo ari ikizami gikomeye, kuko abenshi bahagaragarira, urugo rukomeye rukagaragara. Indi mpamvu ni uko abenshi mu bafatwaga nk’inyangamugayo bibananira bakiba.

Umwe mu batuye mu murenge wa Kazo yagize ati: “Iki ni ikzamini kuko kugira ngo irangire utibye cyangwa ngo uhemuke wambura n’ibindi biba bimeze nk’ikizamini kitoroshye kugitsinda, ntakabuza rwose izina twahaye iyi nzara niryo”.

Ibintu bikunze kuvugwa byibwa ni ibiribwa bikiri mu mirima nk’imyumbati, ibijumba,ibitoki n’ibindi. Usanga kubera uburyo ubujura buba bukabije muri iki gihe cy’inzara, abantu barara mu mirima yabo baraririye imyaka yabo ari nayo ntandaro yo gufata abo baba baje kwiba.

Si ubwa mbere inzara nk’iyi igaragara, kuko buri mwaka usanga haba hari ubukene bwinshi n’ ibura ry’ ibiribwa, mu gihe nk’iki maze bigatuma haba inzara.

Umuyobozi w’akarere ka Ngoma Aphrodise Nambaje, ubwo yavugaga kuri iyi nzara ikunda kuboneka muri iki gihe iterwa n’uko batizigamira ngo banahunike, aho bamwe usanga bagurishiriza imyaka yabo mu mirima itarera.

Jean Claude Gakwaya