Perezida wa Njyanama y’akarere ka Musanze, Rurangwa Raphael, yatangarije Kigali Today ko ayo makuru ari yo akaba ari bwo akibona ubwo bwegure bwe, gusa yirinze gutangaza impamvu yatumye yegura.

Uwari umuyobozi wungirije w’Akarere ka Musanze ushinzwe ubukungu, Imari n’Iterambere, Mugenzi Jerome yatangaje ko yeguye ku mpamvu zo gukomeza amashuri.

Yagize ati: "maze iminsi ntekereza iterambere ry’akarere twinjiye mu muryango w’iburasizuba, ntekereza ko nkiri umusore ntarasaza, ntekereza icyerekezo igihugu gifite mbona bikwiye ko nakongera ubumenyi."

Mugenzi Jerome yeguye ku mwanya w’umuyobozi wungirije ushinzwe ubukungu, imari n’iterambere mu karere ka Musanze.

Uyu mugabo yavuze ko iyegura rye ntaho rihuriye n’imikoranire n’umutwe wa FDLR yagaragaye kuri bamwe mu bayobozi bo mu Karere ka Musanze mu minsi ishije.

Ati: "ibyo bintu byaratubabaje cyane ariko ntaho bihuriye... ntushobora kubihuza na gahunda nafashe ngo njye ku ishuri. Abajya muri ibyo bikorwa n’umwanzi ntibajya ku ishuri bajya kubibazwa mu butabera."

Perezida w’Inama Njyanama y’Akarere ka Musanze, Rurangwa Raphael, yabwiye Kigali Today ko yabonye ubwo bwegure gusa yirinze gutangaza icyatumye yegura. Ku munsi w’ejo tariki 13.05.2014 ni bwo inama njyanama izaterana ikazasuzuma isaba rye ryo kwegura ku mirimo.

Mugenzi yeguye nyuma y’ukwezi n’igice uwari umunyabanga nshingwabikorwa w’akarere Rutaremara Emmanuel na we yeguye ku mirimo ye avuga ko agiye gukomeza gukarishya ubwenge muri Uganda.

Leonard Nshimiyimana