Mu biganiro yagiranye n’Abanyamabanga Nshingwabikorwa b’Utugari two mu Ntara y’Uburasirazuba mbere y’uko bajya mu ngando bazamaramo ibyumweru bibiri mu Kigo cy’amahoro cya Nkumba mu Karere ka Burera, umuyobozi w’Intara y’Iburasirazuba yabasabye kujya mu ngando bakarahuramo ubumenyi bwinshi bukenewe mu kunoza umurimo bakora.

Uyu muyobozi w’Intara yavuze ko umuvuduko abantu basanganywe mu Ntara y’Uburasirazuba ukwiye kongerwa, aho abantu basanzwe bihuta bakongeramo imbaraga bakavuduka bakirukanka.

Ibipimo by’ibarura ryakozwe mu mwaka ushize byagaragaje ko Intara y’Uburasirazuba ifite umuvuduko muto mu kwiteza imbere. Mu myaka itanu ishize Intara y’Uburasirazuba yagabanuye ubukene ku gipimo cya 9.4% mu gihe izindi Ntara zagabanuye ubukene ku bipimo biri hejuru.

Guverineri Uwamariya arasaba abatuye Intara y’Uburasirazuba bose, ndetse n’abayikoreramo ibikorwa binyuranye, kongera umuvuduko bakihuta kurushaho.

Ahishakiye Jean d’Amour