Mu bafashwe harimo abatubahirije isaha yo kugera mu rugo ya saa moya, abandi biganjemo urubyiruko bafatwa bari mu birori.

Ni ibikorwa ubuyobozi budahwema kubwira abantu ko bitemewe kuko bibashyira mu kaga ko kwandura COVID-19 no kuyanduza abandi.

Nyuma yo gufatwa batubahirije amabwiriza, Umuyobozi Nshingwabikorwa w’Akarere ka Kicukiro Umutesi Solange yabahaye ubutumwa bwo kwirinda Covid-19, abasaba guhuza imbaraga n’abandi mu guhangana n’iki cyorezo, aho kwigira ba ntibindeba.

Mu kiganiro yagiranye na Kigali Today, uyu muyobozi yavuze ko abo bafashe barimo n’abo basanze mu nzu zicumbikira abagenzi bateguye ibirori, banywa n’inzoga.

Nyuma yo gusobanurirwa no kwigishwa baciwe amande bararekurwa, ndetse bagenda biyemeje ko batazongera kurenga kuri ayo mabwiriza, kandi ko bazajya bamenyesha ubuyobozi mu gihe babonye abandi barenga kuri ayo mabwiriza.

MENYA UMWANDITSI

Malachie Hakizimana

Umunyamakuru wa Kigali Today/KT Radio

@ h_malachie

Reba inkuru zose nanditse ( 457 )