Nubwo imodoka yangiritse cyane, uwari uyitwaye ntacyo yabaye. Kuyivanamo no kuyipakira imodoka ya depanage byatumye umuhanda ufungwa iminota igera kuri 20.

Kuri uwo munsi kandi umugore wavaga Karongi aza Muhanga muri imwe muri tagisi ya kampani zitwara abantu yaje asinziriye ageze aho agomba kuvirimo kuri gare ya Muhanga yisaka telefone n’amafaranga asanga babimutwaye nk’ejo.

Yitabaje umushoferi wa tagisi ngo atangire asake abari bicaranye nawe ariko ikigaragara nuko abari bamwibye bari baviriyemo mu nzira maze akabibona aruko ageze aho aviramo.

Ubu bujura ngo bukundwa gukorwa n’abantu bategera imodoka mu nzira bakavamo nta rugendo rurerure bakoze ; nk’uko byasobanuwe n’umwe mu bagenzi byigeze kubaho.

Mu Rwanda usanga amatagisi amwe n’amwe handitsemo ngo mugenzi cunga umuzigo wawe, ariko ibi ntibihagije, ahubwo abashoferi bari bakwiye kujya basaba abagenzi kwihangana ntibasinzire.

Naho gupfa kumenya ni ba umugenzi runaka ari umujura, byo biri kure nk’izuba nduzi ko ukwezi ko basigaye bakugeraho.

Gasana Marcellin