Mu ijambo yagejeje ku bateraniye mu nama ya Transform Africa, umukuru w’igihugu yavuze ko gushora mu ikoranabuhanga bitagombye kubangamira izindi nzego z’ishoramari, ariko ngo ni ngombwa kureba niba ibyo ukora bishobora kujyana naryo kugira ngo ubashe kunguka.

Yakomeje avuga ko ibihugu bya Afurika bikwiye gushyikira ikoranabuhanga kuko bigaragara ko aho rikoreshwa abantu barushaho kwiteza imbere kandi ko za Leta zigomba gushyigikira abashora mu ikoranabuhanga.

Perezida Kagame avuga ko ikoranabuhanga rizafasha Abanyafurika guhanga udushya, akavuga ko icya mbere ari ubushake, guhugura abantu ku bijyanye n’ikoranabuhanga, kubafasha gushaka igishoro no gukurikirana imishinga yabo.

Perezida Kagame ati, “Nkeka ko dukomeje kureba imbere tugashora kandi dukoresha ikoranabuhanga byatuzanira impinduka nziza”.

Umukuru w’igihugu avuga ko mu Rwanda byatangiye kandi biri kugenda neza kuko serivisi nyinshi ziri gutangwa hakoreshejwe ikoranabuhanga kandi ko gukwirakwiza internet bizatuma besnhi baryitabira.

Andi mafoto

Ephrem Murindabigwi

Amafoto: Urugwiro & Muzogeye Plaisir