Igihe cyose Abanyafurika bishyize hamwe baratsinda - Perezida Kagame

Mu muhango wo kwishimira intsinzi ya Madame Louise Mushikiwabo watorewe kuba Umunyamabanga mukuru w’umuryango w’ibihugu bikoresha ururimi rw’Igifaransa, OIF, Perezida Paul Kagame yavuze ko iyi Ntsinzi ikomoka ku gusenyera umugozi umwe kw’Abanyafurika.

JPEG - 129.4 kb
Perezida Paul Kagame yavuze ko imvugo y’abayobozi ba Afurika ari yo ngiro

Miri uyu muhango wabaye mu ijoro ryo kuri uyu wa Gatandatu, Perezida Kagame yagize ati “Igihe cyose Abanyafurika twishyize hamwe, turatsinda. Nabonye ubufatanye mu bakuru b’ibihugu bya Afurika, cyane cyane ibikoresha Igifaransa, bose bemeranya ko Louise Mushikiwabo ariwe mukandida ubikwiye, bakiyemeza kumushyigikira, kandi barabikoze.”

Perezida Kagame yanavuze ko ubufatanye, ubwubahane no kwizerana kw’Abayobozi ba Afurika, ari byo byatumye intsinzi ya Louise Mushikiwabo igerwaho.

Ati “ Ntabwo nakwibagirwa gushimira bagenzi bajye abayobozi b’ibihugu bya Afurika biri muri Francophnie ndetse n’ibitarimo. Tumaze gukorana byinshi, baranyizera kandi nanjye ndabizera, ni nabyo byatumye iki gikorwa cyo gutora Louise gishoboka.”

Yakomeje agira ati” Hari igihe abayobozi bavuga ibintu ukibaza niba bibavuye ku mutima. Uko ibihe bihita, icyo abayobozi ba Afurika biyemeje baragikora. Mu kwiyamamaza kwa Louise Mushikiwabo batubwiye ko bamushyigikiye kandi baramushyigikiye rwose.”

Muri uyu muhango Perezida Kagame yashimiye Abanyarwanda ku bufatanye badahwema kuharagaza, bashakira ibisubizo Ibibazo byugarije igihugu, avuga ko ibibazo uko byaba bikomeye kose, ubufatanye butanga ibisubizo kandi birambye.

Yanashimiye Madame Louise Mushikiwabo ku ruhare yagize mu iterambere ry’ Igihugu, anamwizeza ubufatanye mu mirimo mishya.

Ati” Louise, akazi niho katangira. Tuzagushyigira atari ukuberako uri Umunyarwanda gusa, ahubwo kuko uri umuyobozi ubikwiriye watorewe kuba Umunyamabanga Mukuru w’Umuryango w’Ibihugu bikoresha Ururimi rw’Igifaransa”

PROMOTED STORIES

Ibitekerezo   ( 2 )

Abishyizehamwe ntakibananira cyane cyane iyo ugiye gushyigikira umuntu ushoboye nka Louise Mushikiwabo niyompamvu abanyafurika bishyizehamwe bagasenyera umugozi umwe bagashyigikira Mushikiwabo kumyanya wokuyobora OIF nkaba nabasaba gukomerazaho bagashyirahamwe mugukomeza kwiyubakira umugabane wacu wa Afurika.

jibsonson yanditse ku itariki ya: 5-11-2018  →  Musubize

Nta na rimwe "Afrika yunze ubumwe" yigeze igira ubumwe nyabwo.
Gushyigikira umuntu ngo atorwe,sibwo bumwe nyakuri.Ndatanga urugero.Abantu batugabaho ibitero (abacengezi),bashyigikiwe na DRC,Burundi na Uganda mu buryo buteruye.Reba ibihugu banze ko indege zacu zigwa mu bihugu byabo.Ubumwe bwashoboka aruko mu bihugu by’Afrika byemeye Democracy.Presidents ba Afrika,hafi ya bose "bagundira" ubutegetsi.Bagasahura igihugu,bagatonesha bene wabo,uvuze bakamwica cyangwa agafungwa iyo adahunze.Almost all African countries are corrupt.Nta "bumwe nyabwo" bashobora kugira.

gisagara yanditse ku itariki ya: 4-11-2018  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka