Guverineri Bosenibamwe yatangarije abari aho ko kwegura k’umuyobozi bitatuma imirimo inyuranye y’akarere idakomeza gukorwa nk’uko byari bisanzwe mu gihe batarahabwa undi muyobozi mushya.

Yabasabye gukomeza gutunganya inshingano zabo nk’abayobozi kandi ko akarere kazabona undi muyobozi. Yanaboneyeho gusuzuma aho imihigo y’akarere igeze mu rwego rwo kureba ibisigaye gukorwa n’uburyo byashyirwa mu bikorwa.

Baganiriye ku nzitizi bahuye nazo zirimo ba rwiyemezamirimo batinda gutangira akazi bityo bigatuma ibikorwa bakora bitarangira vuba.

Umuyobozi uhagarariye akarere by’agateganyo akaba ari nawe ushinzwe ubukungu mu karere ka Gicumbi, Mvuyekure Alexandre, n’abo bafatanya kuyobora batangarije Guverineri Bosenibamwe ko biteguye kwesa imihigo ijana ku ijana kandi igihe cyo kuzayimurika kikazagera byose byamaze gushyirwa mu bikorwa.

Abitabiriye inama babajije ibibazo birimo imihanda yangijwe n’imvura bemererwa ko ibyo bibazo byaturutse ku biza kandi ko bazabikemura dore ko ubu imvura imaze kugenda isa naho icika.

Ernestine Musanabera