Umukozi wari uri ku biro by’akarere mu ma saa kumi n’igice z’umugoroba ubwo Minisitiri w’Intebe yahageraga, yamubwiye ko abayobozi b’akarere bagiye mu murenge wa Mareba ahahuriye abaturage b’imirenge wa Ruhuha na Mareba mu gikorwa cyo korozanya.

Minisitiri w’Intebe yabwiye abakozi yahasanze ko yari abatunguye kugira ngo arebe aho bageze mu gutegura umwiherero w’abayobozi uzabera muri ako karere. Biteganyijwe ko umwiherero w’abayobozi uzabera mu karere ka Bugesera i Gako mu ntangiro z’ukwezi gutaha.

Bimaze kumenyerwa ko Minisitiri w’Intebe akunda gutungura abayobozi mu rwego rwo kureba uko abaturage basanzwe bahabwa serivisi kuko akenshi iyo umuyobozi mukuru azasura ahantu bakora ku buryo bamwereka isura nziza gusa.

Egide Kayiranga