Abasenateri basuye umupaka wa Rusumo bareba aho inyubako ya OSBP igeze yubakwa

25-06-2013 - 17:00' | Ibitekerezo ( )

Aba basenateri basuye umupaka kuri uyu wa 24/06/2013, mu rwego rwo kureba uburyo hari kubakwa ikiraro gishya gihuza u Rwanda na Tanzaniya hamwe na One Stop Border Post (OSBP) ku mpande zombi z’umupaka w’u Rwanda na Tanzaniya.

Senateri Kalimba zephyrin, Mukabalisa Donatille hamwe na Tito Rutaremara bari mu rugendo rw’iminsi ibiri mu karere ka Kirehe basobanuriwe ko iki kiraro hamwe na One Stop Boarder Post (OSBP) bizuzura bitwaye amafaranga miliyari 21 aho ku ruhande rw’u Rwanda bazakoresha miliyari 10,5 no ku ruhande rwa Tanzaniya bakazakoresha miliyari 10,5.

Abasenateri Tito Rutaremara,Kalimba Zephyrin,Mukabalisa Donatille basura OSBP.

Ikiraro gishya kirimo kubakwa gifite metero 80 aho kizaba gipima toni 180 mu gihe igisanzwe cyapimaga toni 53; nk’uko byasobanuwe n’abashinzwe imyubakire yacyo.

Imirimo yo kubaka yatangiye muri Nyakanga 2012 ikaba iteganijwe kuzarangira tariki 15/11/2014. Umuhanda wa Rusumo unyuramo hagati y’amakamyo 80 n’120 ku munsi.

Grégoire Kagenzi