Aba bana bavuga ko bazanwe n’umugabo ariko ntibabashije kumenya izina rye. Ngo yabakuye muri Congo ababwira ko abajyanye iwe kubagira abana be ariko nyuma baza kuvumbura ko yari bakeneyeho inyungu ze bwite kuko yahise abacika yisubirira muri Congo.

Mu kiganiro twagiranye n’aba bana bombi bavuga ko batazi aho bakomoka mu Rwanda. Bavuga ko ba se bababyara bitabye Imana kandi bari muri Congo baburanye n’ababyeyi babo.

Aba bana bijejwe ko bagiye gushakirwa imiryango y’aho bakomoka kandi ngo niramuka ibuze bazashakirwa ubundi buryo bazabaho.

Kugeza ubu Mbarushimana na mugenzi we Baraka baracyacumbikiwe mu nkambi yakira impunzi by’agateganyo ya Nyagatara yo mu murenge wa Gihundwe mu karere ka Rusizi.

Musabwa Euphrem