Aba badepite bavuze ko bishimiye uburyo abahoze mu mashyamba basubizwa mu buzima busanzwe, ndetse bakaba abantu bagira uruhare mu iterambere ry’igihugu; nk’uko byasobanuwe na Honorable Madame Marcelline Bararufise, uyoboye iri tsinda.

Yagize ati: “Twashitse muri iki kigo co kwakira abahoze mu ngwano kugira nabwo turabe ingene mubafasha gusubira kuba abantu basanzwe, abenegihugu batagifise akantu ku mutima ko gushaka kubandaniriza kugisata c’ingwano kuko twarabonye ko iratwara abantu gusa”.

Honorable Bararufise avuga kandi ko n’ubwo uru rwego iwabo basa naho barugezeho, bari kureba uburyo uwahoze arwanira mu mashyamba, agera mu buzima busanzwe agatekana, akaba umuturage usanzwe batagenda bamuryanira inzara aho anyuze hose.

Sayinzoga Jean, Perezida wa komisiyo y’igihugu yo gusezerera no gusubiza mu buzima busanzwe abahoze ari abasirikare, avuga ko aba badepite bari baje kwirebera uruhare abahoze ari abasirikare mu mitwe itandukanye bagira uruhare mu gufatanya n’abandi Banyarwanda.

Agira ati: “mubyo bari baje kureba harimo uruhare bagira iyo bamaze gutaha, mu bikorwa bitandukanye by’ubuzima bw’igihugu harimo no mu buyobozi”.

Aba badepite, bari mu rugendo-shuri mu Rwanda mu rwego rwo kureba uburyo ubuyobozi bwegerejwe abaturage mu bice bitandukanye; aho basuye inteko ishingamategeko y’u Rwanda, ikigo cya Mutobo, ishuri rya Busogo ya mbere muri Musanze n’ibindi.

Jean Noel Mugabo