Hari saa saba nigice zo ku wa kabiri tariki 27 Ukwakira 2015 ubwo imvura yari irikugwa ari nyinshi inkuba ihita ikubita icyo kigo cy’ishuri ribanza yibasiye cyane abana bo mu mwaka wa gatatu no mu wa gatanu ari naho Muhire Emmanuel wapfuye yigaga.

Abana bari kuvurwa mu bitaro bya Gihundwe.

Abaturage baturiye iryo shuri bahise bihutira gutabara batangira guhumuriza abana bahungabanye abameze nabi barimo na n’umwarimu inkuba yakomerekeje wanahise ajya muri koma babatwara mu bitaro bya Gihundwe aho bari kwitabwaho n’abaganga.

Mukabaziga Chantal umwe mu baturage batabaye kare avuga ko iyo nkuba ikimara gukubita yahise asohoka yiruka, ajya kureba ku ishuri asanga numwana we yahungabanye bahita babazana ku bitaro.

Mukankusi Francine avuga ko yahageze asanga mwarimu n’abana bameze nabi ahita afata umwana umwe amujyana ku bitaro.

Umutoni Esther umwarimu wigishaga muri iryo shuri ryo mu wa gatanu avuga ko yumvise ikintu kimukubise ku itama ahindukiye abona urugi rwasenyaguritse n’umwana umwe aryamye abandi bari kurira, yahise akora kuri uwo mwana yumva byarangiye yiruka ajya gutabaza.

Abo ni bamwe mu bana bahuye n’ihungabana kubera inkuba.

Yagize ati “Hari hari kugwa imvura numva ikintu kirankubise mpindukiye mbona umwana umwe yaguye hasi abandi bari kurira mukozeho numva ibye byarangiye mpita niruka jya gutabaza abaturage.”

Umunyamabanga nshingwabikorwa w’umurenge wa Gihundwe Ingabire Nadine avuga ko iyonkuba mbi ikimara kubageraho bahise batabara ariko umwana umwe agahita yitaba Inama yasabye abayobozi b’ibigo by’amashuri gushyiraho imirindankuba.

Ati “Ndumva nubwo Atari byiza kubyabaye kuri kiriya kigo biratuma n’abasetaga ibirenge bumva akamaro kumurinda nkuba arinazo nama tubagira.”

Hashize ukwezi umunyamabanga wa Leta ushinzwe amashuri abanza n’ayisumbuye Rwamukwaya Olivier yemerewe n’abayobozi bibigo by’amashuri, ko mu byumweru bibiri ibigo byose bizaba bifite imirindankuba ariko kugeza ubu ibyinshi ntayo bifite.

Musabwa Euphrem