KT TV
Umukongomani yahawe ubwenegihugu bw’u Rwanda
Kyalondawa Ngerele umukongomani wari umaze imyaka 20 atuye mu karere ka Nyanza yahawe ubwenegihugu bw’u Rwanda, tariki 16 Nzeri 2015.
Umuhango wo kumushyikiriza icyemezo kimwemerera kuba Umunyarwanda wabimburiwe no kuririmba indirimbo yubahiriza igihugu cy’u Rwanda nyuma hakurikiraho indahiro yamuhesheje uburenganzira n’inshingano nk’iz’abandi banyarwanda.
Akimara guhabwa iki cyemezo Kyalondawa yatangaje ko ashimishijwe cyane no kuba ahawe ubwenegihugu bw’u Rwanda.
Yagize ati: “Iyi ni itariki idasanzwe mu buzima bwanjye kuko mvutse bundi bushya kandi mpawe uburenganzira bukomeye bwo kwitwa Umunyarwanda”.
Asobanurira abari bitabiriye uyu muhango wo kumuhesha ubwenegihu bw’u Rwanda yatangaje ko akunda Abanyarwanda cyane ndetse ari nayo mpamvu yashatse umugore w’Umunyarwanda.
Uyu mukongomani wageze mu Rwanda mu mwaka w’1995 akaba yari umwarimu ku bigo by’amashuli yisumbuye atandukanye yo mu karere ka Nyanza yatangaje ko imwe mu mpamvu ikomeye yatumye asaba ubwenegihugu Nyarwanda ari ubushake yagize bwo kuyoborwa na Perezida Paul Kagame.
Ati: “Nkunda Perezida Paul Kagame n’umuco mwiza nabonye mu Rwanda w’ubumwe n’ubwiyunge.”
Umuyobozi w’Akarere ka Nyanza, Murenzi Abdallah wanigishijwe n’uyu mukongomani mu mashuli yisumbuye mu karere ka Nyanza yatangaje ko bishimishije kubona umunyamahanga atewe ashema no kwitwa Umunyarwanda.
Yakomeje avuga ko ubwenegihugu yahawe bw’u Rwanda bumwemereye kugira uburenganzira n’inshingano buri munyarwanda wese yemewere.
Bizimana Pierre Célestin ushinzwe ibiro by’abijira n’abasohoka mu karere ka Nyanza yavuze ko uyu mukongomani yakoreshejwe ibizamini byanditse n’ibyo kuvuga birebana n’amateka y’u Rwanda akabitsinda bityo bikamuhesha guhabwa ubwenegihugu bw’u Rwanda.
Umugore wa Kyalondawa wahawe ubu bwenegihugu Nyarwanda ari we Madamu Akayezu Vestine yishimiye cyane kuba umugabo we abaye Umunyarwanda avuga ko n’ubundi byari ibintu aharanira.
Yabivuze atya: “Ahawe ubwenegihugu Nyarwanda abukwiye kuko yari umuntu witanga akajya mu muganda agaragara muri gahunda zinyuranye zijyanye n’iterambere ry’u Rwanda".
Mu karere ka Nyanza kuva mu mwaka wa 2010 kugeza mu mwaka wa 2015 abanyamahanga batanu bahatuye bamaze guhabwa ubwenegihugu bw’u Rwanda.
Jean Pierre Twizeyeyezu
Ibitekerezo ( 12 )
Ohereza igitekerezo
|
|
Guhabwa ubwenegihugu hasabwa iki?
ooooh wwwaooo uyu mugabo rwose yari abukwiye yaranyigishije muri espanya gusa ni inuangamugayo.
Uyu mukongomani yarebye kure n’abandi baze twubake u Rwanda
Nabandi nibaze, nimusase bugali.
Uwo mukongomani nibamubwire abahe ubuhamya, mutegereze gato nabandi baraje.
Erega nababandi bagenda badusebya ntibayobewe ko dufite igihugu kiza kandi gitekanye, ninkabyabindi ngo ubuze icyo atuka inka aravuga ngo dore igicebe cyayo.
Rwanda nziza aho ugeze harashimishije, we are proud of you, nabanyamahanga basigaye bifuza kuba abanyarwanda nuko hari ibyiza bakubonamo
ntawe udakunda Paul Kagame nabanyamahanga baba bamushaka. reka tubahe ubwenegihugu kubabishaka ubundi tuzamuhundagazeho amajwi
yego di!nabandi nibaze tubahe ubwenegihugu
nibagire vuba tubahe ubwenegihugu muminsi iri imbere kububona bizaba bigoranye
HAHAHAHAHAAAAAAAAAAAA!
ABANYARWANDA BARABWAMBURWA NAHO ABAKONGOMANI BAKABUHABWA.
KUMUGANI WARUTABANA ATI:UMWAMI ARIMUKA UMWERA AKINJIZWA...NIYIBEREHO UWO MWENE WACU.EREGA URWANDA NIRWIZA URETSI SEKIBI WATEYE ABANA BARWO.
MURI CONGO BO NTABWO BAHA UMUNYARWANDA UBWENEGIHUGU BATAMENYE UBWOKO BWE! HOHO!
UBUNDI ISI YOSE NIYATWESE URETSE IMIPAKA TWAHIMBYE KUBERA INDA NINI ZABANIKUBIRE.TURIYONGEREYE DA!
UMUNSI MWIZA KURI MWESE.
twungutse andi maboko, naze adufashe mu iterambere turi kuganamo