KT TV
Ubutaka bw’u Rwanda n’ubwa Congo mu nzira yo gutandukana (inkuru ivuguruye)
Impuguke mu bumenyi bw’ibiri mu nda y’isi akaba n’Umwarimu muri Kaminuza y’u Rwanda, Dr Digne Rwabuhungu, araburira abatuye imijyi ya Rubavu na Goma imaze iminsi yibasiwe n’imitingito.
Dr Rwabuhungu ari mu bagaragaza ko igice cya Afurika y’Iburasirazuba kirimo kwiyomora kuri uyu mugabane wose, ku buryo kizaba ikirwa cyangwa umugabane ukwawo mu myaka myinshi iri imbere, nk’uko yabitangarije mu kiganiro yahaye Radio Rwanda kuri uyu wa Kabiri tariki 25 Gicurasi 2021.
Umututu utandukanya ibice byombi bya Afurika urahera kuri Somaliya ukarangirira muri Mozambique, aho bigaragara ko ibihugu nka Somaliya, igice kimwe cya Etiyopiya, Kenya, Uganda, Rwanda, Burundi, Tanzania hamwe n’igice cya Mozambique, bizaba ari ikirwa gitandukanye n’umugabane wa Afurika.
Dr Rwabuhungu avuga ko mu myaka ibarirwa muri za miliyoni iri imbere, hagati y’u Rwanda na Congo (kimwe n’ahandi harimo gucika umututu), hazaba hari inyanja nini.
Yagize ati "Umugabane wa Afurika urimo gucika, hari igitare cya Somali kirimo gutandukana n’igitare (igice) gisigaye cya Afurika, u Rwanda na Congo turimo turatandukana, hagati hazavuka inyanja nyuma ya miliyoni y’imyaka".
Umunyamakuru wa Kigali Today uri i Rubavu, Sylidio Sebuharara yagaragaje ko umututu wa Rift Valley watewe n’imitingito ya buri kanya, ukomeje kwiyongera ukaba wageze n’ubwo usatura inzu n’imihanda.
Sebuharara agira ati "Ni umututu umwe ukomeje nk’uko umuntu yaca umuhanda cyangwa inzira, kandi inzu bihuye yaba irimo isima imeze ite uwo mututu urayisatura ndetse ntunakangwa n’umuhanda wa kaburimbo".
Mu nzu nyinshi zasenyutse kubera kunyurwamo n’uwo mututu wa Rift Valley harimo n’ibitaro bya Gisenyi, inyubako z’amashuri ya ESA ndetse n’inzu nyinshi z’abaturage.
Impuguke mu bumenyi bw’isi zikomeza zivuga ko iyo mitingito ijyana no kuruka kw’ibirunga, izajya ikomeza kubaho i Goma na Rubavu mu gihe ibitare bibiri Afurika iteretseho (Somali na Afurika nini) bitarasaduka neza ngo bitandukane.
Kwisegura:
Ibyari byatangajwe ku musozo by’icyo Dr Rwabuhungu asaba inzego gukora kuri iki kibazo twasanze atarabivuze nk’uko byari byanditswe mu nkuru, duhitamo kubikuraho.
Hari n’aho twari twatangaje ko mu byasenyutse harimo na Hotel Nyiramacibiri, ntabwo ari byo, ntiyasenyutse.
Inkuru zijyanye na: Nyiragongo
- Rubavu: Abagizweho ingaruka n’iruka rya Nyiragongo babayeho bate?
- Goma: Ubuyobozi bwasabye abahunze iruka rya Nyiragongo gusubira mu ngo
- Rubavu: Imiryango 2,504 yangirijwe n’imitingito imaze guhabwa ubutabazi
- Rubavu: Ibitaro bya Gisenyi byongeye gutanga serivisi
- Amashyuza yari yaragiye kubera imitingito yagarutse
- Mu Rwanda hasigaye Abanyekongo babarirwa mu 1000 bahunze Nyiragongo
- Ikiyaga cya Kivu nticyahungabanyijwe n’iruka rya Nyiragongo
- Imiryango yasenyewe n’imitingito irasaba gufashwa kubona ahandi ho kuba
- Rubavu: Ubuyobozi burahamagarira abantu gusubukura ibikorwa byabo
- Rubavu: Amashyuza yaburiwe irengero kubera umutingito
- Impunzi z’Abanyekongo zikomeje gusubira iwabo
- Rubavu: Ibyangijwe n’imitingito byatangiye gusanwa
- Ubuyobozi burahumuriza abumvaga ko ikirere n’amazi bya Rubavu byagize ikibazo
- Kuruka kw’ibirunga n’imitingito bizagira uruhare mu gutandukanya Congo n’u Rwanda – Impuguke
- Rubavu: Inzu zisaga 1,500 zimaze kwangizwa n’imitingito
- Ibyuka bituruka muri Nyiragongo bigira ingaruka ku buzima - Impuguke
- Mu Kivu hagaragaye isambaza zapfuye nyuma y’umutingito
- Igihiriri cy’Abanyekongo bahungiye mu Rwanda
- Hari impungenge z’uko Nyiragongo yakongera kuruka
- Abatuye muri metero 200 uvuye ku murongo waciwe n’imitingito bafite inzu ziyashije bagomba kuhava - Minisitiri Kayisire
Ibitekerezo ( 4 )
Ohereza igitekerezo
|
|
IMANA IDUTABARE KABISA BIRAKOMEYE
thanks ku makuru meza muduh
Uyu niko yigishijwe mu shuri. Bashobora kuba baramubeshye ababimwigishije
Mudusobanurire ngo icyatumye imitingito iba myinci nuko ikirunga bagiteyemo imiti igipfubya ???