KT TV
Perezida Kagame yitabiriye inama yo kwiga ikibazo cy’umutekano wa RDC
Perezida Kagame yifatanyije n’abandi bayobozi b’ibihugu bo mu karere mu kwiga ikibazo cy’umutekano mu burasirazuba bwa Congo Kinshasa. Inama iri kubera kuri Congo Brazzaville kuri icyi cyumweru tariki 24/03/2013.
Abayobozi bitabiriye iyi nama ni Perezida wa Congo Brazzaville, Denis Sassou N’Guesso, Perezida Kabila wa Congo Kinshasa, Perezida Museveni wa Uganda hamwe na Perezida Kagame w’U RwandA bahuriye ahitwa Oyo kuri kilometero 415 mu majyaruguru ya Congo Brazzaville.
Iyi nama y’abayobozi bane b’ibihugu byo mu karere igomba kuganira uburyo Uburasirazuba bwa Congo Kinshasa bwashakirwa umutekano, hagendewe ku masezerano yo kugarura amahoro mu burasirazuba bwa Congo yasinzwe taliki 24/02/2013 muri Addis Abeba ku bufatanye n’umuryango w’Abibumbye.
Iyi nama ije ikurikira inama yahuje Perezida Denis Sassou Nguessou na Perezida Joseph Kabila mu kwezi kwa Mutarama 2013 ndetse mu kwezi kwa Gashyantare Perezida Kagame agasura Congo BrazzaVille mu kuganira ku kibazo cy’umutekano wa Congo.
Kimwe mu biganirwaho ni uburyo bwo kurwanya imitwe yitwaza intwaro mu burasirazuba bwa Congo harimo FDLR na M23.
Umutwe wa M23 uheruka gucikamo ibice ndetse haba imirwano yakuye mu byabo abaturage. Intambara yaje kurangira Gen Makenga ashoboye gutsinda abo bari bahanganye ndetse bituma Gen Ntaganda washakishwaga n’urukiko mpuzamahanga yishyikiriza ubutabera kubera kwirukanwa aho yari yihishe.
Amasezerano yasinywe n’ibihugu bigera kuri 11 by’Afurika asaba ibihugu kudafasha imitwe yitwaza intwaro ikorera muri Congo ndetse bimwe mu bihugu byemeye inkunga mu kurwanya iyi mitwe aho hazakenerwa ingabo ibihugu 2500.
Bamwe mu bayobozi b’ingabo za Tanzania, Afurika y’Epfo na Malawi bamaze kugera mu burasirazuba bwa Congo mu kureba ahazashyirwa ingabo.
Uretse gushakira umutekano igihugu cya Congo gikize ku mitwe yitwaza intwaro, biteganyijwe ko aba bayobozi baganira n’umuryango w’ubukungu w’ibihugu by’Afurika yo hagati witwa CEEAC.
Denis Sassou N’Guesso niwe uyobora ICGLR aho ahamagarira abayobozi bagize uyu muryango guteza imbere ubufatanye mu itembere ry’akarere.
Sylidio Sebuharara
Ibitekerezo ( 5 )
Ohereza igitekerezo
|
|
Guharanira ubumwe bwaba ubw’abanyarwanda, abanyafurika ndeste ni isi yose, nibikomeze kukuranga mzee wacu. IMANA IBIGUFASHEMO
Kagame President Bigishe kwiha agaciro, be gupfa ubusa, bazane amahoro mu gihugu cyabo, barebere ku Rwanda bafate isomo.
President Kagame , ushoboye byose bafashe ntakundi, nabo bagire amahoro, Go go go Kagame wacu, yaba wayoboraga isi yagira amahoro yose
Harageze ko ibibazo by’abanyafurika bikemurwa nabo ubwabo. ni na byiza ko hariyo na Perezida wacu ufite aho yavanye u Rda n’aho arugejeje ndizera ko azabafasha cyane mu kubona umuti urambye
ibi bihugu byitabiriye inama nibyo byonuine bizi ikibazo cya congo ni nabyo bishobora kubona umuti urambye w’iki kibazo,naho gutegereza UN n’abanyaburayi ntacyo byatanze.