Karate: Umunyarwanda yabaye uwa Gatatu mu marushanwa Nyafurika y’Abatarengeje imyaka 18

Mu marushanwa Nyafurika y’Abatarengeje imyaka 18 ari kubera mu gihugu cya Algerie, Niyitanga Halifa wari uhagarariye u Rwanda mu cyiciro cyo kurwana (Kumite), yegukanye umudari wa Gatatu ( Bronze cyangwa Umuringa), atsinze uwitwa Obissa David wo muri Gabon.

JPEG - 70.8 kb
Niyitanga Halifa ahatanira umudari wa Gatatu

Mu ijonjora ry’ibanze Niyitanga Halifa wakinaga mu batarengeje ibiro 61, yari yatsinze Marques Lucas wo muri Cap Vert

Mu cyiciro cyisumbuyeho Niyitanga Halifa yatsinzwe ku buryo bugoranye na Terimbere Elvis wo mu Burundi

Kuko yari yitwaye neza yahawe amahirwe yo gusubira mu irushanwa Niyitanga ahita atsinda Djido Jeffrey Ken wo muri Bénin.

JPEG - 38.4 kb
Niyitanga Halifa

Byahise bimuha amahirwe yo guhatanira umudari wa gatatu w’Umuringa (Bronze), Niyitanga ahita atsinda Abissa David wo muri Gabon

Muri ayo marushanwa Shyaka Kaberuka Victor uhagarariye u Rwanda mu marushanwa yo kwiyereka (Kata) ku giti cye ntiyahiriwe n’urugendo kuko mu ijonjora ry’ibanze yatsinzwe na Bourahmoun Riad wo muri Maroc.

Ahawe amahirwe yo gusubira mu irushanwa atsindwa na Oorunmbe Oluwaseun wo muri Nigeria.

JPEG - 44.3 kb
Niyitanga Halifa yanejeje umutoza we Nkuranyabahizi Noel
PROMOTED STORIES

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka