Umunsi wa 27: Kiyovu yatewe mpaga, Miroplast iramanuka, Diarra atahana umupira

Ku munsi wa 27 wa Shampiona y’icyiciro cya mbere, waranzwe no guterwa mpaga kwa Kiyovu Sports, naho Rayon Sports yongera kubona amanota atatu

APR Fc ikomeje kuyobora urutonde rwa Shampiona
APR Fc ikomeje kuyobora urutonde rwa Shampiona

Kiyovu yatewe mpaga ku kibuga cyayo

Ni umukino wagombaga kubera kuri Stade Mumena, aho Kiyovu Sports yabuze ingobyi y’abarwayi (Ambulance), nk’uko amategeko abiteganya, birangira itewe mpaga.

Muhadjili yongeye gufasha APR mu nzira igana ku gikombe, Miroplast iharira abashoboye

Mu mukino wabereye kuri Stade ya Mironko i Gikondo, APR yaje gutsinda ibitego bibiri mu gice cya kabiri, ibitego bya Nsabimana Aimable ndetse na Hakizimana Muhadjili, byatumye Miroplast ihita isubira mu cyiciro cya kabiri bidasubirwaho.

Mukura na Bugesera zongeye gutenguha abafana, Amagaju ashimangira kuguma mu cyiciro cya mbere

Mu yindi mikino, Marines na Mukura zanganyije 0-0, Etincelles itsinda Bugesera igitego 1-0, mu gihe igitego cya Ndikumana Bodo cyahaye Amagaju intsinzi y’igitego 1-0 kuri Sunrise.

Ku matara y’i Nyamirambo, Mbondi na Diarra bongeye guha Rayon amanota atatu

Ni wo mukino wasoje indi yose y’umunsi wa 27, aho watangiye 18h30 kuri Stade ya Kigali i Nyamirambo, urangira Rayon Sports itaherukaga amanota inyagiye Gicumbi ibitego 4-0, harimo ibitego bitatu bya Ismaila Diarra ndetse na kimwe cya Christ Mbondi.

Uko imikino yose y’umunsi wa 27 yagenze

Etincelles FC 1-0 Bugesera FC
SC Kiyovu 0-3 Kirehe FC (*Forfait)
Amagaju FC 1-0 Sunrise FC
Musanze FC 1-3 Espoir FC
Marines FC 0-0 Mukura VS
AS Kigali 2-0 Police FC
Miroplast FC 0-2 APR FC
Rayon Sports 4-0 Gicumbi

kigalitoday android app mobile

Ibitekerezo   ( 2 )

Rayon sport yacu nubwo rimwenarimwe utubabaza nkabafana bayo arikoko iryoshya shampion kuko abayifuriza ibibi nabo ntaburyohe bwa champion babona.muriyiminsi wabazaga umuntu ibyumupira akakubwirako ntamwanya afite wokubikurikirana kuberiki?kubera ibibazo byuko Rayon ihagaze nabi komerezaho kipe yacu

Jado yanditse ku itariki ya: 19-06-2018  →  Musubize

TWISHIMIYE INSINZI YA RAYON IKIPE YACU UBU IGIYE GUSUBIRA MUMURONGO BAKAME NAGENDE YARAYISHE

KOTA yanditse ku itariki ya: 19-06-2018  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka