Shampiona y’icyiciro cya kabiri mu Rwanda iraza gukomeza kuri uyu wa Gatatu, aho amakipe aza kuba akina imikino ya 1/2 yo kwishyura, maze izibasha gutsindira kwerekeza ku mukino wa nyuma zikaza no guhita zibona itike yo kwerekeza mu cyiciro cya mbere mu mupira w’amaguru.

Umukino ubanza wa Kirehe na Etoile de l’Est waranzwe n’imvururu nyinshi

Mu mikino ibiri itegerejwe, hari uza kubera i Ngoma, ugahuza ikipe ya Etoile de l’Est na Kirehe, aho umukino ubanza wari warangiye Kirehe Fc itsinze Etoile de l’Est ibitego 2-0mu mukino waranzwe n’imvururu nyinshi.

Amakipe azamuka mu cyiciro cya mbere aramenyekana uyu munsi

Undi mukino uteganijwe, uraza guhuza ikipe ya Pepiniere, aho iza kuba yakiriwe n’ikipe ya Interforce, amakipe yombi yari yanganyije 0-0 mu mukino ubanza wabereye i Muhanga, uyu mukino ukaba uza kubera ku kibuga cya Ferwafa ku i Saa munani n’igice.

Uko imikino ya 1/4 yari yagenze

Imikino ibanza yabaye taliki ya 24 Nyakanga 2016
Kirehe Fc 1-1 Vision Fc 
Sorwathe Fc 1-2 Pepiniere Fc
Interforce Fc 2-1 Vision JN 
United Stars 1-1 Etoile de l’est

Imikino yo kwishyura yabaye Taliki ya 27 Nyakanga 2016

Vision Fc 3-3 Kirehe Fc (Hakomeje Kirehe kubera igitego cyo hanze)
Pepiniere Fc 3-0 Sorwathe Fc
Vision JN 0-1 Interforce Fc
Etoile de l’est 0-0 United Stars Fc ( Etoile de l’est yakomeje kubera igitego cyo hanze)

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2586 )