Nyamata iri mu nzira nshya za Tour du Rwanda 2017-Inzira yose

Abatuye i Nyamata bagiye kureba bwa mbere isiganwa ry’amagare rizenguruka u Rwanda rigiye kuba ku nshuro ya cyenda mu Gushyingo 2017, rikazaba rigizwe na kirometero 819.

Kuri uyu wa Gatatu muri Classic Hotel hatangarijwe inzira izikoreshwa muri Tour du Rwanda 2017, aho hagaragayemo impinduka mu nzira zisanzwe zikoreshwa nk’uko biba buri mwaka, ariko kuri iyi nshuro hakaba hagaragayemo inzira ya Musanze-Nyamata izaba inyuzwemo bwa mbere, ari nabwo bwa mbere i Nyamata bazaba bakiriye iri siganwa.

JPEG - 394.6 kb
Tour du Rwanda 2016 yegukanywe na Valens Ndayisenga
GIF - 1.2 Mb
Aimable Bayingana, Umuyobozi wa Ferwacy asobanura bimwe mu bigize Tour du Rwanda 2017
GIF - 554.3 kb
Olivier Grandjean wo mu itsinda rishinzwe gutegura Tour du Rwanda na Aimable Bayingana uyobora Ferwacy

Inzira nyinshi ni nshya, gusa uduce twinshi twagiye tugira amahirwe yo kwakira Tour du Rwanda mu myaka yagiye itambuka, harimo nka Huye, Nyanza, Musanze na Rwamagana na Kayonza, by’umwihariko na Rubavu itari yakiriye isiganwa ikaba yongeye kugarukwamo.

Izi ni zo nzira zizakoreshwa muri Tour du Rwanda 2017:

Taliki 12/11/2017: Prologue i Kigali (Gusiganwa n’igihe umuntu ku giti cye)
Agace ka 1;Taliki 13/11/2017: Kigali-Huye (120,3kms)
Agace ka 2: Taliki 14/11/2017: Nyanza-Rubavu (180kms)
Agace ka 3: Taliki 15/11/2017: Rubavu Musanze (Kubanza kuzenguruka umujyi wa Rubavu) (95kms)
Agace ka 4:Taliki 16/11/2017: Musanze Nyamata (121kms)
Agace ka 5:Taliki 17/11/2017: Nyamata-Rwamagana+Kuzenguruka umujyi wa Rwamagana (93.1kms)
Agace ka 6:Taliki 18/11/2017: Kayonza-Kigali (Bazasoreza Stade ya Kigali unyuze kwa Mutwe) (86.3kms)
Agace ka 7: Taliki 19/11/2017: Kigali-Kigali (120kms)

JPEG - 119.1 kb
i Nyamata hasanzwe habera Shampiona y’igihugu
JPEG - 140.3 kb
Inzira za Karongi - Rusizi uyu mwaka ntizizanyurwamo
JPEG - 130.8 kb
Aha ntibazahanyura uyu mwaka

Nyanza-Rubavu: Kazaba ari agace ka kabiri k’iri siganwa, ni yo nzira ndende iri muri iyi Tour du Rwanda, ikaba ireshya na Kirometero 180, ikanagira udusozi 8 two kuzamuka tuzanatanga amanota.

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka