Bintunimana ukinira Team Rwanda-Muhabura, yegukanye aka gace, nyuma yo gukoresha amasaha 3 n’iminota 18 ku bilometero 120.3, kuri uyu wa kabiri tariki 17 Ugushyingo 2015.

Bitungimana abaye Umunyaranda wa kabiri wegukanye agace ka Tour du Rwanda kuva yatangira.

Ashoboye kwegukana iyi nsinzi nyuma y’akazi gakomeye kagiye gakorwa n’abakinnyi b’u Rwandaby’umwihariko mu bilometero 20 bya nyuma..

Emile Bintunimana yabashije gusiga abandi, aho ubwo bageraga aho basoreza yaje gufashwa cyane na Ruhumuriza Abraham wari uri imbere mbere gato y’uko basoza.

Yashimwe n’umuyobozi w’akarere ka Huye, Muzuka.

Abakinnyi bahagurutse i Kigali ku i saa Tatu zuzuye,bakomeza kugenda kugera mu bice bisatira akarere ka Kamonyi, aho umukinnyi Bescond Jeremy wa Haute Savoie na Kangangi Suleiman wa Kenya baje gufata icyemezo basiga abandi bakinnyikugera n’aho baje gusiga abandi iminota 2 n’amasegonda 10.

Ikinyuranyo cy’iminota cyatangiye kugabanuka ubwo bageraga mu bice bya Rusatira, abasore b’u Rwanda barimo Ruhumuriza Abraham, Aleluya Joseph, Byukusenge Patrick na Hakuzimana Camera baza kwiharira imyanya ya mbere bahanganye n’abakinnyi ba Eitrea.

Yahawe igihembo na Skol nk’umukinnyi mwiza w’umunsi.

Uko amakipe yarushanyijwe

Andi mafoto:

Isiganwa rya Tour du Rwanda uyu mwaka ryari ritegerejwe na benshi.

Abanyehuye bari baje kwihera ijisho.

Itsinda rivuye ku ntara y’iburengerazuba ryakoze isuzuma ku mihigo muri Karongi ryasanze iri ku kigero cyiza

Amafoto:Muzogeye Plaisir

Sammy Imanishimwe