Kagame arambiwe imvugo y’abavuga ko hari abaza kwigira ku Rwanda

Perezida Paul Kagame yavuze ko adashimishwa n’umuco umaze kugaragara muri bamwe mu Banyarwanda wo kumva ko hari urwego bagezeho bityo amahanga akwiye kuza kubigiraho.

JPEG - 164.6 kb
Perezida Kagame ageza Ijambo ku banyamuryango ba FPR Inkotanyi

Yabitangaje kuri uyu wa Kane tariki 14 Ukuboza 2017, ubwo hizihizwaga isabukuru y’imyaka 30 umuryango FPR-Inkotanyi umaze ushinzwe.

Yagize ati “Nk’abanyamuryango ba RPF, ntidukwiye kwirata ngo hari ibyo abantu bakwiye kutwigiraho. Ibyo bitandukanye n’abo turibo n’indangagaciro zacu. Mureke ahubwo duhe imbaraga gukemura ibibazo no guhangana n’ibibazo tutarabasha gukemura tubishakire ibisubizo.”

Yavuze ko uyu muco umaze no kugera mu bato, avuga ko bikomeje nta hazaza Abanyarwanda baba bari gusigira abazabaho ejo.

Yavuze kandi ko hari ibibazo byinshi u Rwanda rugihanganye nabyo, akaba ariyo mpamvu bikwiye kwibandwaho ku gushakirwa umuti aho kwirata bike byagezweho.

Ati “Dukwiye guhora twibaza ngo ni uruhe rugero dutanga, duha urubyiruko? Umurage dukwiye kubaha ni uwo kureba uko twakubaka igihugu cyacu no gukomeza abo turibo turushaho kubaka ubumwe bwacu.”

JPEG - 478.1 kb
Abanyamuryango ba FPR Inkotanyi bitabiriye Kongere y’Umuryango i Rusororo

Iyi si inshuro ya mbere Perezida Kagame asabiye mu ruhame ko iyo mvugo yo “kwigira ku Rwanda” icika mu Banyarwanda.

Yatangaje ko n’abayobozi bakuru ajya abibasaba kugira ngo Abanyarwanda barebe ibibateza imbere aho guhugira mu magambo.

Andi mafoto menshi kanda hano

PROMOTED STORIES

Ibitekerezo   ( 6 )

ningobwa kodukomeza gutera imbe mubitecyerezo no mubikorwa nubwo harababyishimira ariko hari ababyumva ntibagire igitecyerezo batanga. habamubi tecyerezo cg mubikorwa. abomwabaha izihe nyigisho? kobameze nkabafunze imitima yabo ikwiye inyigisho zubaka zanyakuba paul kagame wenda yabafungura amaso,imiti murakoze

ALIASI NYAMBO yanditse ku itariki ya: 15-12-2017  →  Musubize

That`s right and true,action speaks louder than words. Thanks to our President @paulkagame #30 years of FPR`s unniversary.

Shyaka Bitero Stephen yanditse ku itariki ya: 15-12-2017  →  Musubize

KAGAME NI UMUHANGA IBYO AVUZE BYOSE USANGA BIFITE ICYEREKEZO NONESE UWAHORA MUMAGAMBO NTABIKORWA NTIYAKWIBUKA IBITEREKO YASHESHE DUKORE DUKOMEZE IMIHIGO TUZASHIMWE N,ABANDI

MUNDANIKURE yanditse ku itariki ya: 14-12-2017  →  Musubize

Twavuze kenshiko HE Paul Kagame Ari marayika w’Imana abantu bagapinga Bible iti "uwibwirako haricyo afite aba aribntacyo aragira kucyo yakabaye agira "

alias yanditse ku itariki ya: 14-12-2017  →  Musubize

nibyo rwose ,kugira umuyobozi mwiza ureba kure ntacyo wabinganya

jacques murwanashyaka yanditse ku itariki ya: 14-12-2017  →  Musubize

ubundi impano iravukanwa mugihe harabumva ko ntakindi uretse kwicara bakigamba ibyagezweho rimwe na rimwe batanagizemo uruhare his excellent we vision ye iracyari yayindi yo guhindura buri kimwe bavandimwe dufashe impano imana yatwihereye tureke kumuca intege tuvuga gusa. murakoze.

bernard yanditse ku itariki ya: 14-12-2017  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka