Mu mpano bageneye aba barwayi harimo amasabune yo kumesa yashyikirijwe abarwayi 98, ndetse n’amafaranga ibihumbi 50. Izi mpano zavuye mu mafaranga aba bakozi bagera kuri 31 begeranyije ubwabo.

Nyuma yo gushyikiriza impano abarwayi, aba bakozi na bo bafashe igihe cyo kwizihiza isabukuru y’imyaka 25 FPR-Inkotanyi imaze ishinzwe. Igikorwa nyir’izina cyaranzwe no gusangira icyo kunywa ndetse na gateau bari bageneye iki gikorwa.

Perezida w’urugaga rw’urubyiruko rwa FPR-Inkotanyi mu Karere ka Huye, Rangira Innocent, wari waje kwifatanya n’abakozi ba Mituweri ya NUR muri iki gikorwa, yashimiye aba bakozi igikorwa cy’ubwitange bagaragaje, anabasaba gukomereza aho.

Mu kwizihza isabukuru ya FPR-Inkotanyi, abanyamuryango bayo bakora muri mitiweri ya NUR bafashije abarwayi batishoboye.

Iri shimo kandi ngo rifite ishingiro, kuko desk ya RPF-Inkotanyi yashinzwe muri Mituweri ya Kaminuza muri Werurwe uyu mwaka. Ngo kuba nyuma y’amezi makeya bagaragaza igikorwa nk’iki cyiza cyiyongera ku bindi bikorwa bigaragarira umuryango bakora, ngo ni ibyo gushimwa no gushyigikirwa.

Mme Kaneza ahikiriza impano y’amasabune umwe mu barwayi.

Na none kandi, abanyamuryango ba FPR-Inkotanyi bo muri Mituweri ya NUR biyemeje ko igikorwa nk’iki cyo kwibuka abatishoboye kitazarangirana n’isabukuru.

Batanze impano zirimo amasabune yo kumesa n’amafaranga ibihumbi 50.

Umuyobozi wungirije wa Mituweri ya NUR, Muzungu Vincent, ati “na nyuma tuzakomeza ibikorwa byo guha ubufasha ababukeneye.”

Ku rwego rw’igihugu, isabukuru y’imyaka 25 ya FPR-Inkotanyi izizihizwa tariki 15/12/2012. Akarere ka Huye ko karateganya kuzayizihiza tariki 9 Ukuboza.

Abakozi ba Mituweri ya NUR bati “ntituzatangwa kwifatanya n’abandi banyamuryango muri ibi bikorwa, kandi n’ibirori bizabera mu midugudu ndetse no mu tugari dutuyemo na byo tuzabyitabira”.

Marie Claire Joyeuse