Uyu musaza yatangaje ko yatemye uyu musore kubera ko ngo yashatse kumurwanya ubwo yamufatiraga mu makara ye.

Nubwo hari hakiri mu ijoro, induru z’uwo musore zabyukije abatari bake maze basanga umusaza amaze kumutsinda hasi intege z’uwo musore zimaze gushira kubera imipanga bamutemye mu mutwe no ku maboko.

Kayisire yatemaguwe ku mubiri no mu mutwe.

Abaturage bahise bafata uwo musore bamujyana kwa muganga mu gihe umusaza wamutemye afungiye kuri sitasiyo ya Polisi ya Rusizi akurikiranyweho kuba yihaniye.

Nubwo uyu musaza ariwe wemera ko yatemye uwo musore hari undi bafunganywe witwa Bagirinshuti Simoni, ukekwaho kuba yarafatanyije nawe mu kumutema ariko we avuga ko atigeze amukoraho usibye ko ngo yamutabaye gusa akamujyana kwa muganga.

Rugiramavuga na Bagirinshuti bafunze bazira kwihanira.

Muri iyi minsi abantu benshi bari kugenda bagwa mu makosa yo kwihanira akaba ari muri urwo rwego ubuyobozi budasiba kubibuza abaturage ariko bakanga bakabirengaho.

Musabwa Euphrem