Ibi biherutse kuba mu mudugudu wa Ntemabiti aho nyuma yo gufata umwe mu bajura bari batoboye inzu bakiba matora hahise haza abandi bashaka kwinjira muri iyo nzu kuko bari bazi ko banyiri iyi nzu birutse kuri bagenzi babo, amahirwe nuko ngo nabo bahise bababona bityo batangira kurwana ariko abaturage babarusha imbaraga.

Ahagana saa tanu n’igice undi musore w’imyaka 18 witwa Havugimana Yusufu yafatiwe mu iduka ry’abasore bacuruza imyenda aho yari yibye imyenda akayishyira mu ikoti yari yambaye.

Havugimana ubwo yari amaze guhisha imyenda ntiyagize amahirwe yo kuyigeza aho yari ayijyanye kuko ba nyiri iduka bahise bamwirukaho baba baramufashe akimara gufatwa yavuze ko yemera icyaha asaba imbabazi.

Aba basore ngo si ubwa mbere bari bafashe mugenzi wabo yabibye aho ngo bamusanganaga imyenda yabibye ariko akabihakana ababwira ko ari iyo yaguze.

Havugimana avuga ko ubujura abuterwa n’ingeso y’irari ryo gushaka amafaranga, iyi myenda yibye ngo yari kuyigurisha amafaranga 8000 mu gihe banyirayo bari bayigurisha ibuhumbi icumi.

Musabwa Euphrem