Uyu mugabo ngo icyamuteye kurwana n’uwo bashakanye ni uko ngo yamuhamagaye kuri telephone incuro nyinshi akamubura bityo agatekereza ko yagiye kumuca inyuma; nk’uko yabitangaje tariki 12/09/2012 aho afungiye.

Nubwo yakekeraga umugore we kumuca inyuma iwe ku giti cye yemeza ko ari we wa mbere mu guca umugore we inyuma kuko avuga ko afite indaya bararana akaba yamara icyumweru ataragaruka ku mugore we basezeranye byemewe n’amategeko.

Umugore wa Nzirorera nawe yemeza ko asanzwe abizi ko umugabo we amuca inyuma ariko ngo ntiyagira icyo abimubazaho kuko atinya ko yamugirira nabi.

Nzirorera amaze gufungwa yifuje gusaba umugore we imbabazi avuga ko atazongera kumuca inyuma, ariko umugore we atangaza ko ibyo abivugishwa n’uko agifunze.

Kugeza ubu Nzirorera aracyari mu buroko mu gihe inzego zibishinzwe zigishakisha umuti w’ikibazo cye kugira ngo acike ku ngeso nk’izo.

Musabwa Euphrem