Ibyo byatumye polisi imufata kugirango imuhungishe abo baturage bashaka kumugirira nabi ariko bamusaba kureka iyo ngeso y’amarozi imuvugwaho , gusa we ahakana iyo ngeso avuga ko nta bantu yigeze yica.

Umunyamabanga nshingwabikorwa w’umurenge wa Rwimbogo, Nkankindi Leoncie, avuga ko uyu musaza yananiwe kwitwara neza mu mibanire ye n’abaturanyi be kandi ngo yakagombye kuba uwa mbere mu kugaragaza iyo mibanire doreko ngo aribwo agifungurwa aho yari yarafungiwe ibyaha bya Jenoside.

Abayobozi batandukanye bo muri uyu murenge kuva ku rwego rw’akagari badutangarije ko hamaze gukorwa inama enye ziga ku kibazo cy’uyu mugabo; iyabaye kuwa kuwa 08/08/2013 ngo bamusanze aho acumbikiwe na Polisi bamusaba gusaba imbabazi abaturage ahemukira.

Iyi nama yari irimo umuryango wa Ndushabandi, idini asengeramo na nyobozi y’umudugudu abamo aho yanzuye ko uyu mugabo agomba gusaba imbabazi mu ruhame rw’abantu mu muganda uzaba wahuje abaturage.

Musabwa Euphrem