Amakuru atugeraho aravuga ko uyu mukozi yageze ku mupaka, maze abashinzwe kugenzura abinjira n’abasohoka bakamubaza impamvu atari mu kazi, akabasubiza ko akazi yagahagaritse ahubwo asigaye yiga.

Uyu mukozi wakoraga kuri gishe yakira abanyacyubahiro (VIP), yaba yakomereje i Kisoro muri Uganda, cyakora ngo abaturage baho bahise batangira kubona ko uwo muntu atamenyereye ako gace, niko gutangira kumushakisha.

Kagenza Jean Marie Vianney, umucungamutungo wa banki y’abaturage ishami rya Musanze, avuga ko bagerageje gufata uyu mujura, gusa ntibyabashobokera, kuko yari yamaze kugera kure, gusa ngo baracyashakisha.

Umuvugizi wa polisi mu ntara y’Amajyaruguru, Supt Francis Gahima, avuga ko bakomeje iperereza ngo uyu mujura abe yatabwa muri yombi, ku bufatanye na polisi yo mugihugu cya Uganda.

Jean Noel Mugabo