Kamonyi: Abantu bataramenyekana bashatse kwiba SACCO y’umurenge wa Karama
Mu ijoro rishyira tariki 19/9/2013, abantu bataramenyekana bateye inyubako ya SACCO “Kira Karama”, iherereye mu kagari ka Bitare, umudugudu wa Kajevuba; bashaka kuhiba ariko gukingura ahabikwa amafaranga birabananira.
Bamaze gutobora inzu, ngo aba bajura baciye ingufuri iri ku cyumba cy’umutamenwa ubikwamo amafaranga, ariko gufungura Selire birabananira. Batwara Mudasobwa igendanwa na radiyo byari biri mu biro by’umucungamutungo.
N’ubwo umucungamutungo w’iyi SACCO atashatse kuduha amakuru ku byabaye, amakuru yizewe atugeraho, aravuga ko abalokodifensi babiri barindaga iyi SACCO bari mu maboko ya Polisi kuri posite ya Kayenzi mu gihe hagikorwa iperereza.
Marie Josee Uwiringira
Ibitekerezo
Ohereza igitekerezo
|