Uyu musaza wari utuye mu Mudugudu wa Kamomo, Akagali ka Ruhinga ho mu Murenge wa Kivuruga yavuye mu rugo nk’ugiye ku musarani ahagana saa tatu z’ijoro yishyira mu kagozi mu giti cy’umuvumu kiri hafi y’urugo ahita apfa; nk’uko Umunyamabanga Nshingwabikorwa w’Umurenge wa Kivuruga, Kalisa Justin abitangaza.

Uyu muyobozi yakomeje atangariza Kigali Today ko uyu musaza yari amaranye ubwandu igihe kirekire kandi nta bibazo yari afitanye n’umugore we. Ngo yakundaga kuvuga ko azikura kuri iyi isi kubera ubuzima bwo kubana n’ubwandu bwa Sida bumunaniye.

Hari amakuru avuga ko ibinini bigabanya ubwandu bwa Sida byamunaniye kuko yabimwaga bikamugwa nabi cyane. Nyakwigendera apfuye asize umugore n’abana umunani.

Nshimiyimana Leonard