Iyi modoka ifite puraki RAB 086 T yavaga mu Mujyi wa Kigali yerekeza mu Karere ka Musanze yagwiriwe n’igiti cyatemwaga mu ishyamba riri ku nkengero z’umuhanda. Ababaji batemaga ibyo biti bahise baburirwa irengero.

Iyo mpanuka yamenetse ikirahuri cy’imbere (pare-brise), n’akareba-nyuma (side mirror) nayo irameneka kandi inahombambana buhoro ku gice cy’imbere.

Polisi ikora mu muhanda mu Karere ka Gakenke yihutiye kuhagera yumvukanisha umushoferi na nyiri ishyamba. Nyir’ishyamba yemeye kujya gukoresha iyo modoka, ihita ijyanwa mu igaraji mu Mujyi wa Kigali.

Impanuka ziterwa n’ibiti biri ku mihanda zikunda kuba bitewe ahanini no gutema ibiti ba nyirabyo batabimenyesheje polisi ngo ifate ingamba z’umutekano wo mu muhanda cyangwa nabo ubwabo.

Hari n’ibiti bisaza bigatinda gusarurwa kandi biri hafi y’umuhanda bigakurura impanuka zinahitana ubuzima bw’abagenzi.

Nshimiyimana Leonard