Uyu musore ubu urwariye mu Bitaro Bikuru bya Nemba yasagariwe na Nzakizwanimana, umuhungu wa Byakunda wari wagize ubukwe.

Abo basore bari banyoye inzoga baje kurwanira ku irembo ryo kwa Byakunda mu gihe abandi bantu bari mu rugo baza gutabara bumvishe umuntu umwe avugije induru.

Nzakizwanimana wateye icyuma yahise aburirwa irengero na n’ubu akaba agishakishwa kugira ngo atabwe muri yombi aryozwe icyo cyaha.

Kugeza ubu, impamvu yatumye atera mugenzi we icyuma ntabwo izwi; nk’uko bitangazwa na Ndagijimana Tharcisse, umunyabanga nshingwabikorwa w’akagari ka Nganzo.

Ndagijimana yongeraho ko abandi basore bavuga ko ubusanzwe Nzakizwanimana yitwazaga icyuma mu gasentere ka Gakenke ariko bakaba batari barabimenyesheje ubuyobozi ngo akurikiranwe.

Nshimiyimana Leonard