Abo bajura bateye ahagana mu ma saa tanu y’ijoro, ngo babanje kwica inzugi z’aho bashakaga kwiba maze umuzamu uharinda ababonye bamukangisha imbunda avuga ko bari bafite bahita bagenda.

Padiri mukuru w’iyo paruwasi, Bernard Kanayoge, avuga ko ukurikije uko abo bajura bibye kandi mu gihe gito cyane, bigaragara ko ari bantu basanzwe bazi aho hantu. Ubwo ubwo bujura bwakorwaga, ingabo na polisi baratabaye basanga abo bajura bamaze kugenda.

Paruwasi ya Muhororo yitiriwe bikiramariya w’ububabare burindwi.

Padiri mukuru wa paruwasi Muhororo avuga ko kugira amafaranga atabikije kuri banki biterwa n’uburangare bw’abashinzwe kuyakira kuko baba bagomba kurara bayajyanye kuri banki mu rwego rwo kwirinda ibibazo nk’ibyo.

Muri iki gihe, ubujura bukorerwa mu nsengero za kiliziya Gaturika bukomeje kwiyongera. Muri uyu mwaka gusa, mu ntara y’Iburengerazuba hibwe muri paruwasi za Gisenyi, Nyundo, Kanama, Rususa na Muhororo.

Ernest Kalinganire