Ruhango: Umusaza w’imyaka 57 yahitanywe n’abajura bamukubise ifuni

7-06-2013 - 14:19' | Ibitekerezo ( 1 )

Ngaboyisonga Alphonse w’imyaka 57 wari utuye mu kagari ka Rubona mu murenge wa Kinazi yaraye yivuganywe n’abajura mu ijora rya tariki 06/06/2013.

Aba bajura ngo baje basanga Ngaboyisonga aryamanye n’umugore we Uwimana Josephine bakubita urugi binjira mu nzu basaba uyu musaza amafaranga ababwira ko ntayo afite.

Akimara guhakana ko ntayo afite, bahise bamukubita ifuni mu mutwe arapfa, gusa umugore we yahise abacika aragenda.

Umunyambanga nshingwabikorwa w’umurenge wa Kinazi, Mutabazi Patrick, avuga ko kugeza ubu aba bagizi ba nabi bataramenyekana icyakora ngo hari gukorwa iperereza.

Eric Muvara