Abaturage b’i Kiruhura bagize uruhare mu ifatwa ry’uyu mugabo bakekagaho gukora ibikorwa bitemewe binyuranye, barya akara inzego zishinzwe umutekano zihita zimuta muri yombi.

Hari umugore wacitse inzego zishinzwe umutekano bikekwa ko akorana na Rwamuhizi mu bucuruzi bw’ibiyobyabwenge.

IP Marcel Kalisa, Umuyobozi wa Sitasiyo ya Polisi ya Nyarugenge, ashimangira ko bariyeri ya Giticyinyoni igira uruhare mu gufata ibiyobyabwenge biva mu Ntara y’Uburengerazuba cyane cyane mu Karere ka Rubavu byinjira mu Mujyi wa Kigali.

Polisi y’igihugu itangaza ko ikora ibishoboka byose kugira ngo isibe amayira anyuzwamo ibiyobyabwenge ifatanyije n’abaturage. Ihamagarira abaturage gukomeza guhanahana amakuru n’inzego zishinzwe umutekano mu rwego rwo guca burundu ibiyobyabwenge.

Rwamuhizi aramutse ahanwe n’icyaha yahanishwa igihano kuva mwaka umwe kugeza ku myaka kugeza kuri itanu n’ihazabu ingana n’ibihumbi mirongo itanu kugeza miliyoni eshanu ushingiye ku ngingo ya 594 na 595 z’igitabo cy’amategeko ahana y’u Rwanda.

Nshimiyimana Leonard