Muri iki gikorwa hanatwitswe ibiyobyabwenge bingana na litilo 239 za kanyanga, urumogi rungana n’ibiro 68, utuzingo (Boules) twarwo 109, n’amapaki 472 ya za chief Waragi.

Bamwe murubyiruko mu rugendo rwo kwamagana ibiyobyabwenge.

Umuyobozi w’Akarere ka Ngoma, Aphrodice Nambaje, wari witabiriye iki gikorwa, yibukije urubyiruko rwari aho ko ari rwo mbaraga z’igihugu. Abasaba akomeje kureka umuco wo gukoresha ibiyobyabwenge.

Ushinzwe umutekano w’abamotari mu mugi wa Ngoma, Jean Baptiste Nshimiyimana, yashishikarije urubyiruko rw’abamotari n’abanyonzi kwitabira umurimo aho kujya mu biyobyabwenge.

Iki gikorwa cyatangijwe n’urugendo rwo kwamagana ibiyobyabwenge rwatangiriye aho bakunze kwita kuri Zenith rusorezwa ku cyicaro cy’urukiko rukuru rwa Ngoma, ari naho ibyo biyobyabwenge byatwikiwe.

Jean Claude Gakwaya