Iratumwa mwene Niyonsenga Regis na Musengimana yapfuye ahagana saa munani n’igice ubwo yari yajyanye n’abandi bana ku mugezi uza kumutwara.

Bagenzi be bakuru kuri we babonye amazi amutwaye, bihutira gutabaza nyina amurohora yarangije kwitaba Imana; nk’uko Ruhashya Charles, Umunyamabanga Nshingwabikorwa w’Umurenge wa Coko abitangaza.

Akomeza avuga ko uwo mugezi ubusanzwe nta mazi menshi ugira ku buryo watwara umuntu usibye iyo imvura nyinshi yaguye.

Abana bakunda gutwarwa n’imigezi cyangwa bakarohama mu bidendezi by’amazi cyane cyane mu bihe by’imvura kubera uburangare bw’ababyeyi n’ababarera.

Polisi irahamagarira ababyeyi n’abarera abana kwirinda kubasiga bonyine ahantu hari ibidendezi no gukinira hafi y’imigezi mu rwego rwo gukumira izo mpfu zitunguranye.

Nshimiyimana Leonard