Ahagana mu masaha y’Isaa Tanu zo kuwa Kane tariki 07/02/2013, niho iki gikorwa ashinjwa cyabaye, aho yataye umugore we mu buriri akajya mu cyumba cy‘umwana we akamusaba ko baryamana ariko umwana akabyaga.

Ashatse ku mufata ku ngufu umwana yarabyanze, baragundagurana nyina w’umwana ahita abyumva ahuruza abaturanyi, ari nabyo byatumye bimenyekana, nk‘uko abatabaye mu ba mbere babitangaje.

Uyu mugabo ariko ngo si inshuro ya mbere yari akoze ayo mahano, kuko bwari ubugira gatatu, nk‘uko uyu mwana yabibwiye abaturanyi. Yavuze ko bijya gutangira umwana yabwiye se ko yagiye mu mihango, se nawe amubwirako umwana w‘umukobwa ugiye mu mihango agomba kuryamana nase umubyara kugira ngo akire.

Gashema ukekwaho gufata ku ngufu umwana yibyariye aho afungiye kuri Station ya Polisi ya Kamembe.

Uwo mugabo ubusanzwe afite abana bane, uwo bivugwako yafashe ku ngufu ni impfura ye.

Icyaha cyo gusambanya uwo yibyariye kiramutse kimuhamye yahanishwa igihano cyo gufugwa burundu y’umwihariko, agatanga n’ihazabu kuva ku bihumbi 100 kugera kuri 500, nkuko Umuvugizi wa Polisi mu Ntara y’Iburengerazuba abisobanura.

Supt. Urbain Mwiseneza avuga ko uretse ngo kuba umwana usambanyijwe bimwangiza ku mubiri, binamwangizano mu mitekereze ye bityo ababyeyi kimwe n’abandi bantu muri rusange bagasabwa kwirinda icyo cyaha kinatesha agaciro indangagaciro z’Umuco nyarwanda .

Kugeza ubu Gashema ari kurisitasiyo ya Polisi ya Kamembe, ariko ahakana icyaha akekwaho avuga ko ari amakimbirane afitanye n’umugore we.

Euphrem Musabwa