Ubu bwicanyi bwabaye saa yine mu ijoro rishyira ku wa kane tariki 29 Ugushyingo 2012. Amakuru y’iyicwa ry’uyu Harindintwari yamenyekanye ahagana saa kumi n’ebyiri za mugitondo, kuwa kane, ubwo abantu basangaga umurambo wa nyakwigendera mu murima w’ibigori.

Umurambo wa nyakwigendera wajyanywe ku bitaro bya Kibogora biri mu Karere ka Nyamasheke kugira ngo ukorerwe isuzuma. Harindintwari Jean Paul yari ingaragu y’imyaka 23, akaba yibanaga mu nzu yari yarubatse.

Amakuru aravuga ko Musabyemungu yafatanyije n’uwitwa Hategekimana Elie w’imyaka 25, na we watawe muri yombi n’inzego zishinzwe umutekano, akaba afungiye kuri Poste ya Polisi ya Macuba.

Amakuru ava mu baturage aravuga ko ku mugoroba wo ku wa gatatu, haba harabayeho intonganya hagati ya Musabyemungu na murumuna we, ubwo uyu nyakwigendera ngo yari avuye mu isoko ry’ahitwa Rugari kugura inkoko.

Ntivuguruzwa Emmanuel